Цэнхэр сум АРХАНГАЙ АЙМАГ

Хүүхдийн баярт зориулсан уралдаан тэмцээнийг ЗДТГ, Соёлын төв, ЭМТ, Хүүхдийн цэцэрлэг зохион байгуулж хөгжлийн бэрхшээлтэй болон зорилтот бүлгийн 60 хүүхдэд бэлэг өглөө.

Энэ жил алдарт эхийн 1-р одон нэг ээж 2-р одонгоор 20 ээж шагнуулж сумын удирдлагууд одонг гардуулж өглөө. 2022.05.31

Эх үрсийн баярыг тохиолдуулан АЧИТ ЭЭЖ тодруулдаг уламжлалтай билээ энэ жил зургаан ээж ачит ээжээр шалгарлаа. Алтановоо баг В.Жанчив, Д.Долгоржав, Цэцэрлэг баг Д.Янжинлхам, Цэнхэр баг С.Бүжинлхам, Тамир баг Алагаа, Буйлан баг Долгорсүрэн нар шалгарсан байна. 2022.05.31

Илүүдэл жингүй эртэч Монгол аян Цэнхэр суманд 06 сарын 03-04 өдрүүдэд хаалтаа хийлээ. Волейбол, олс таталт, буухиа, 100м гүйлт зэрэг дөрвөл төрөлт тэмцээн болж байгууллагууд идэвхтэй оролцлоо. 2022.06.04

Сум байгуулагдсаны 100 жилийн ой угтан хийж байгаа ажлуудын хүрээнд сум фетниссийн тоног төхөөрөмжтэй боллоо. Иргэд та бүхэн соёлын төвд ирж дасгал хийж эрүүл мэнддээ анхаараарай. Тоног төхөөрөмжийг хандивласан Нэшнл тре шүр ХХК, Гурван хайрханы асар ХХК-ны хамт олонд баярлалаа.

Суманд үйл ажиллагаа явуулж бүтээгдэхүүн үйлдвэрлэж байгаа иргэдийн дунд үзэсгэлэн худалдаа зохион байгуулж 1-р байранд суран эдлэлээр оролцсон П.Өлзийбаяр, 2-р байранд гар урлалаар оролцсон Д.Оюунэрдэнэ, 3-р байранд нийтийн хоолны чиглэлээр оролцсон Ж.Тунгалагтамир нар шалгарч шагналыг сумын удирдлагууд гардуулж өглөө. 2022.05.30

19 сумын ИТХ, ЗДТГ-уудын дунд гурван төрөлт тэмцээн болж Цэнхэр сумын ИТХ, ЗДТГ-ын албан хаагчид амжилттай оролцож сагс эрэгтэйчүүд 4-р байр, волейбол эмэгтэйчүүд дэд аварга, эрэгтэйчүүд 4-р байр эзэлж жигд сайн оролцлоо.

Сумын аварга шалгаруулах волейбол, теннисний хоёр төрөлт тэмцээн болж аваргууд тодорлоо.

Сумын Засаг даргын захирамж гарч бүх нийтийн цэвэрлэгээ, хөдөө багуудын хогийг цэвэрлэх, хашаа гудамаа цэгцлэх ажил сум даяар хийгдэж байна.

Тэрбум мод үндэсний хөдөлгөөний хүрээнд сумын Засаг даргын захирамж гарч төрийн байгууллага, аж ахуйн нэгж, иргэд 2000 орчим мод, бут сөөг тарьлаа.

Сумын 100 жилийн ой угтан олон ажил хийж байгаагийн нэг нь иргэдийн эрүүл мэнд, хөдөлгөөн гэж үзэж суманд фетниссийн тоног төхөөрөмжтэй болж иргэдийн өргөнөөр хамруулан дасгал хөдөлгөөн хийж байна.

Сумын Засаг даргаар ахлуулсан ажлын хэсэг Цэцэрлэг, Цэнхэр багт, ИТХ-ын даргаар ахлуулсан ажлын хэсэг Буйлан, Тамир багт, Орлогч даргаар ахлуулсан ажлын хэсэг Орхон багт, ЗДТГ-ын даргаар ахлуулсан ажлын хэсэг Алтановоо багт ажиллаж цаг үеийн мэдээлэл хүргэж мал төллөлт, хаваржилтийн байдалтай газар дээр нь танилцаж иргэдэд эрүүл мэндийн үйлчилгээ хүргэж ажиллаа.

ISO:9001 стандартыг суманд нэмтрүүлэхээр болж Тэнүүн сэтгэмж ХХК-ны захирал Хангай сумын Засаг дарга Д.Галхүү нар гэрээ байгуулж нээлт хийлээ.

суманд жэрэс төслийн сургалт болж сумын ИТХ-ын төлөөлөгч нар, байгууллагын албан хаагчид сургалтад хамрагдлаа

Цэнхэр сум орон нутгийн хөгжлийн сангийн мөнгө, өөрийн давсан орлого болох 650 сая төгрөгөөр 1,2 км засмал замын ажлыг 2021-2022 он дамнуулан хийж байгаа бөгөөд 06 сарын 01 гэхэд замын ажлыг дуусгах зорилт тавин ажиллаж байна.